Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8065 und als er zuo geriten kam
        und si die schœnen Ênîten
        dâ vür sâhen rîten
        und nâch ir die zwêne man,
        nû sâhen si die vrouwen an
8070 und begunde menneclîch des jehen
        daz er unz dar nie gesehen
        deheine vrouwen hæte
        von lîbe und ouch von wæte,
        von pherde und von gereite,
8075 sô schœne und sô gemeite.
        sâ zuo den stunden
        si alle begunden,
        wîp und man beide,
        von nâhe gândem leide
8080 ir vreuden entwîchen
        und vil jæmerlîchen
        klagen daz wünneclîche wîp,
        und daz verliesen sînen lîp
        solde ein alsô vrumer man,
8085 wan dâ zwîvelten si niht an.
[ zurück ]