einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1182 dâ ez ir herre niene sach, und beslôz im vor die tür und warf einen rigel vür; er enwolde in niht sehen lân wie ir ende solde ergân. 1187 in einer kemenâten, die er vil wol berâten mit guoter arzenîe vant, er hiez die maget dâ zehant abe ziehen diu kleit. 1192 des was si vrô und gemeit, si zarte diu kleider in der nât. schiere stuont si âne wât und wart nacket unde blôz; si enschamte sich niht eins hâres grôz. 1197 Dô si der meister ane sach, in sînem herzen er des jach daz schœner krêâtiure al der werlte wære tiure. sô gar erbarmete si in, 1202 daz im daz herze und der sin |