Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2494 und verswîge sîn laster: daz ist guot.
        ez ist reht daz mir gelinge:
        wan ezn sprichet vonme dinge
        nieman minre danne ich.
        iedoch sô vürdert er sich,
2499 swâ sich der bœse selbe lobet;
        wand niemen vür in gerne tobet,
        der sîne bôsheit prîse.
        her Îwein ist niht wîse:
        er möhte swîgen als ich.'
2504 diu rede dûhte si gemelich,
        daz er sich dûhte alsô guot:
        wan alsô schalclîchen muot
        gewan nie rîter dehein.
        dô sprach mîn her Gâwein
2509 'wie nû, mîn her Keiî?
        nû sprechent ir doch, ir sît vrî
        valscher rede: wie schînet daz?
        ir erzeiget doch iezuo grôzen haz
        disem guoten knehte.
2514 nû tuot ir im unrehte.
[ zurück ]