Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6906 des ich in vil sicher sage:
        er enwas doch niht ein zage.
        daz bescheinte er wol dâ
        und ouch dicke anderswâ.
        diu sper begunden si neigen
6911 und ir kraft erzeigen.
        zesamene liezen si gân:
        dô wart ein rîchiu tjost getân.
        die vil guoten knehte,
        nû trâfen si vil rehte
6916 beide nâch ir gemerke.
        nû half niuwan sîn sterke
        den baz geruoweten man
        daz er den prîs dâ gewan
        und im alsô wol geschach.
6921 Êrecken er dâ nider stach
        hinderz ors an daz gras
        als lanc sô der schaft was.
        über in erbeizete er dô:
        des wart vrouwe Ênîte unvrô.
6926 diz was Êrecke nie geschehen:
[ zurück ]