einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2294 dâ mite er got betruopte.Nû was dâ ze hove ein maget, alsô karc, sô man saget, diu verstuont sich sîner klage wol, als ich iu nû sagen sol,2299 wan si der kemenâten phlac dâ diu tavel inne lac. er hete genomen ze sîner klage ie eine zît in dem tage die er niemer versaz.2304 nu gemarhte diu juncvrouwe daz, swenne si in dar in verlie, daz er dar lachende gie und schiet ie als ein riuwic man mit rôten ougen dan.2309 Nû vleiz si sich iemer mêre heimlichen sêre wie si daz rehte ersæhe wâ von diu klage geschæhe und sleich im eines tages mite,2314 dô er aber nâch sînem site |