Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3336 dô sprâchen si alle gelîche,
        si würde im billîche.
        "vernemet", sprach sîn geselle,
        "waz ich des roubes welle:
        niuwan sîn îsengewant."
3341 die andern teilten dâ zehant
        diu vünf ros under sich.
        daz was doch ungenædeclich,
        wan ez diente von rehte
        Êrecke dem guoten knehte:
3346 er kundes wol geniezen.
        ouch vluren si ir liezen.
        Êrecke was diu rede unkunt.
        nû bereite sich einer dâ zestunt
        engegen im dâ er in sach.
3351 vil sorclîchen ungemach
        vrouwe Ênîte gewan.
        si gedâhte: "warne ich mînen man,
        sô briche ich aber sîn gebot.
        er enlâtz durch êre noch durch got,
3356 er enneme mir den lîp.
[ zurück ]