einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage108 ze frouwen über mînen lîpfür sî hæte niht erkorn. dâ mite hân ich sî verlorn, des genüzze ein man der sælde hât. ir muot ze fremder wîse stât,113 mit übel giltet sî mir guot; dâ ist daz reht niht wol behuot. hæte sî mich doch als ê, sô gerte ich aller gnâden mê; sît ich nû hân engolten118 des die geniezen solten den nâch ir werken wol geschiht, so enwil ich mînes heiles niht. Friunt, wan ich die niht schelten sol der al diu werlt sprichet wol,123 sô sagete ich ze mære daz sî diu wirsest wære der ich ie künde gewan, wan si mir ir guotem friunde erban daz ich vil gar âne ir schaden128 mîner swæren bürde würde entladen, |