Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

550 und mir ân mînen danc spehen
      swaz mir der dinge ist erkant;
      durch daz hân ich sî genant
      des herzen spehære.
      ir spehens ich wol enbære.
555 swaz in der werlte geschiht,
      des enweiz ich anders niht
      wan als dû mirz enbiutest bî in.
      dar under hân ich schœnen sin,
      des ich wider dich engolten hân,
560 des du mich doch geniezen soldest lân;
      sît dû mich ze dînem râte erwelet hâst
      unde mich des niht erlâst,
      sô weist dû wol daz ich dich nie
      bœsiu dinc geminnen lie.
565 ze guoten dingen ich dir riet,
      von allem valsche ich dich schiet.
      dar umbe dulde ich dînen haz.
      doch wil ich gerne lîden daz;
      swaz mir dâ von geschehen sol,
570 ich enrâte dir niemer niht wan wol.
[ zurück ]