Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1366 sô suln wir bî iu bestân,
        mit iu ze herbergen gân."
        des genâdete im vil verre
        Êrec der herre,
        und sîn sweher tete alsô.
1371 ûf stuonden si dô.
        bî handen si sich viengen,
        ze herbergen si giengen
        und vuorten vrouwen Ênîten
        dâ enzwischen an ir sîten.
1376 dô hete si wünnen genuoc,
        wan si ûf ir hant truoc
        den gewunnen sparwære:
        daz was wol vreudebære.
        sus hâte diu maget
1381 sæleclîche bejaget
        von lobe michel êre:
        doch vreute si sich mêre
        von schulden ir lieben man
        den si des tages dô gewan.
1386 ein man den vreuden nie verdrôz,
[ zurück ]