Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6122 von Lîmors geborn.
        den hâte got dar zuo erkorn
        daz er si solde bewarn.
        [er kam von sînem hûs gevarn,]
        ir ze heile reit er durch den walt:
6127 nâch wiu, des enist mir niht gezalt,
        wan daz ich betrahte
        in mînes herzen ahte,
        ez kam von ir sælikeit
        daz er des tages ie ûz gereit.
6132 er vuorte mit im ritter genuoc.
        von geschihte in truoc
        in den walt der selbe wec
        dâ der ritter Êrec
        in sô grôzem kumber lac
6137 und sîn vrouwe Ênîte phlac.
        dannoch dô der herre
        von in was vil verre,
        dô gehôrte er daz wîp
        mit wuofe quellen ir lîp.
6142 und als er ir stimme vernam,
[ zurück ]