Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6192 si ist benamen ein edel wîp:
        daz erziuget ir wünneclîcher lîp.
        nû sprechet, waz ist iuwer rât?
        ir wizzet wol wiez mir stât,
        daz ich âne wîp bin.
6197 nû rætet vaste mir mîn sin
        daz ich si ze wîbe neme.
        mich dunket daz si wol gezeme
        ze vrouwen über mîn lant.
        ich hân kurze an ir erkant,
6202 si ist mir genuoc wol geborn.
        ouch hât si mir erkorn
        mînes herzen rât ze wîbe.
        nû bite ich daz ez belîbe
        in iuwerm râte âne haz,
6207 vil gerne wil ich immer daz
        umbe iuch verschulden unz ich lebe,
        daz ez iu âne widerstrebe
        gelîche allen wol gevalle."
        nû rieten si imz alle.
6212 des râtes was der grâve vrô.
[ zurück ]