Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9178 sîne sterke wider gewan
        und vaht als ein geruoweter man.
        des enmohte er niht verzagen.
        sô wil ich iu von Êrecke sagen:
        Êrec, ze swelhen zîten
9183 er gedâhte an vrouwen Ênîten,
        sô starcten im ir minne
        sîn herze und ouch die sinne,
        daz er ouch mit niuwer maht
        nâch manlîcher tiure vaht.
9188 dô si diz lange genuoc getriben
        unde beide swert ganz beliben,
        dô gedâhte der grôze dar an:
        "mirst zorn daz dirre kleine man
        alsô lange vor mir wert."
9193 mit grimme begreif er daz swert
        und gedâhte eht vellen
        sînen kamphgesellen.
        er warf ez umbe in der hant:
        der vil michel vâlant
9198 in kunde niht erbarmen:
[ zurück ]