Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9190 dô gedâhte der grôze dar an:
        "mirst zorn daz dirre kleine man
        alsô lange vor mir wert."
        mit grimme begreif er daz swert
        und gedâhte eht vellen
9195 sînen kamphgesellen.
        er warf ez umbe in der hant:
        der vil michel vâlant
        in kunde niht erbarmen:
        sîn herze gap den armen
9200 krefteclîcher sterke genuoc.
        mit guotem willen er ez sluoc:
        ûf den helm er in erriet,
        dâ die swarte daz mittel schiet,
        und sluoc ez alsô vaste
9205 daz von dem slage erglaste
        ein breitiu vlamme viurîn,
        daz daz viur möhte sîn
        gevangen mit einem schoube.
        got lône im derz geloube,
9210 wan ich niht drumbe geswern mac.
[ zurück ]