Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9782 doch was er âne vreude hie,
        alsô daz er sîn herze nie
        von swærem kumber brâhte.
        swenne er dar an gedâhte,
        sô entweich im aller sîn muot,
9787 als ez dem erbarmherzen tuot:
        dem ervollent dicke diu ougen
        offenlîch und tougen,
        swenne er iht des gesiht
        daz wol ze erbarmenne geschiht.
9792 ouch was diz genuoc erbarmeclîch:
        ez enwart nie man sô vreuden rîch,
        dem doch iht erbarmen sol,
        ich wizze daz benamen wol,
        hæte er die nôt ersehen,
9797 im wære ze weinenne geschehen.
        im erbarmte diu ellende schar,
        die ahzec vrouwen die dâ gar
        ir vreuden weise wâren,
        als dâ an ir gebâren
9802 was vil riuweclîche schîn,
[ zurück ]