Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1212 nû stuont ein bette dâ bî in:
        daz was berihtet alsô wol
        als ein bette beste sol,
        daz nie künec bezzer gewan:
        dâ hiez sî in sitzen an.
1217 und dô er was gesezzen,
        sî sprach 'welt ir iht ezzen?'
        er sprach 'gerne, der mirz gît.'
        sî gienc und was in kurzer zît
        her wider komen unde truoc
1222 guoter gâchspîse gnuoc:
        des saget er ir gnâde und danc.
        dô er gâz und getranc,
        dô huopz gesinde grôzen schal
        ze bêden porten über al,
1227 als sîz im niht wolden vertragen
        der in den herren hete erslagen.
         Sî sprach 'her Îwein, hœret ir?
        sî suochent iuch, nû volget mir,
        und enkumt niht ab dem bette.
1232 iu stât diz dinc ze wette
[ zurück ]