Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4240 unz ich ersterbe und die drî
        an den ich iuch rechen sol:
        sô weiz mîn vrouwe danne wol,
        sô sî bevindet, wer ich bin,
        daz ich lîp und den sin
4245 von leide verloren hân.
        diu râche sol vor ir ergân.
         Ez ist reht daz ich iu lône
        der êrbæren krône
        die ich von iuwern schulden truoc.
4250 ich hete êren genuoc:
        waz half mich daz ich golt vant?
        ez ist eht vil unbewant
        zuo dem tôren des goldes vunt:
        er wirfet ez doch hin zestunt.
4255 swie ich zuo mir selben habe getân,
        ir sult iedoch gewis hân,
        ichn lâze iuch niht under wegen.
        wan dô ich tôt wære gelegen,
        dô hulfet ir mir von sorgen:
4260 alsô tuon ich iu morgen.'
[ zurück ]