Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4858 dâ stüende gotes lôn bî.
         Daz beweget im den muot:
        wan er was biderbe unde guot.
        man saget daz in betwunge
        diu tiure manunge,
4863 dô er ir dürfte rehte ervant
        und im sô ofte wart genant
        got und her Gâwein:
        wan swederm er under den zwein
        grœzern unwillen truoc,
4868 dem dienter gerne genuoc.
         Des wart sîn muot zwîvelhaft.
        er gedâhte 'ich bedarf wol meisterschaft,
        sol ich daz wægest ersehen.
        mir ist ze spilne geschehen
4873 ein gâch geteiltez spil:
        ezn giltet lützel noch vil,
        niuwan al mîn êre.
        ich bedarf wol guoter lêre.
        ich weiz wol, swederz ich kiuse,
4878 daz ich an dem verliuse,
[ zurück ]