Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6432 über des palas breite:
        wan dô het erz ersuochet gar.
        nû nam er einer stiege war:
        diu selbe stiege wîst in
        in einen boumgarten hin:
6437 der was sô breit und sô wît
        daz er vordes noch sît
        deheinen schœnern nie gesach.
        dar in hete sich durch gemach
        ein altherre geleit:
6442 dem was ein bette gereit,
        des wære gewesen vrô
        diu gotinne Jûnô,
        do si in ir besten werde was.
        diu schœne bluot, daz reine gras,
6447 die bâren im vil süezen smac.
        der herre hêrlichen lac.
        er hete ein schœnen alten lîp:
        und wæne wol, sî was sîn wîp,
        ein vrouwe diu dâ vor im saz.
6452 sine mohten beidiu niht baz
[ zurück ]