Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7453 ze sprechen, des ichz lâzen wil,
        sô möhte ich wunder von im sagen:
        sus wil ich lobes mê gedagen.
        wan sagen swaz si wellen,
        si mugen vil gezellen
7458 unde sprechen ir muot,
        ez enkam doch pherit nie sô guot
        in deheines mannes gewalt:
        waz sol iu mê dâ von gezalt?
        als uns der meister seite,
7463 ein vrouwen gereite
        wart ûf daz pherit geleit,
        dâ meisterlîcher arbeit
        vil werkes ane lac.
        ez hete geworht vil manegen tac
7468 der wercwîseste man
        der satelwerkes ie began,
        ein meister, hiez Umbrîz,
        der doch allen sînen vlîz
        dar leite vür wâr
7473 wol vierdehalbez jâr,
[ zurück ]