Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1418 ouch enwas her Îwein niht verzaget:
        im hete diu minne einen muot
        gegeben, als sî manegem tuot,
        daz er den tôt niht entsaz.
        doch hal er die maget daz
1423 daz er sîner vîendinne
        truoc sô grôze minne.
         Er gedâhte 'wie gesihe ich sî?'
        nû was im sô nâhen bî
        diu stat dâ man in leite,
1428 daz er sam gereite
        hôrte alle ir swære
        sam er under in wære.
        mit listen sprach er alsô
        'ouwê, diz volc ist starke unvrô:
1433 mir gât ze herzen ir clage
        nâher danne ich iemen sage.
        möht ez mit vuoge geschehen,
        sô wold ich harte gerne sehen
        ir gebærde und ir ungehabe,
1438 die ich dâ hœre bî dem grabe.'
[ zurück ]