Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Gregorius

3797 ez ist reht daz man behalte
        diemüete in gewalte
        (dâ genesent die armen mite)
        und sol doch vrävellîche site
        durch die vorhte erzeigen
3802 und die mit rehte neigen
        die wider dem rehten sint.
        ob aber ein des tiuvels kint
        durch die stôle niene tuo,
        dâ hœret danne gewalt zuo.
3807 des sint diu zwei gerihte guot:
        si lêrent reht, slahent hôhen muot.
        man sol dem sündære
        ringen sîne swære
        mit senfter buoze,
3812 daz im diu riuwe suoze.
        daz reht ist alsô swære,
        swer dem sündære
        ze vaste wil nâch jagen,
        daz enmac der lîp niht wol vertragen.
3817 ob er genâde suochen wil,

[ zurück ]