Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7660 dô sprach sî gâhes 'ich bin hie.'
        dô sî sich alsus versprach
        und unrehtes selbe jach,
        des wart Artûs der künec vrô:
        ze geziuge zôch ers alle dô.
7665 er sprach 'vrouwe, ir hânt verjehen.
        daz ist vor sô vil diet geschehen
        daz irs niht wider muget komen:
        und daz ir ir habet genomen,
        daz müezet ir ir wider geben,
7670 welt ir nâch gerihte leben.'
         'Nein, herre,' sprach sî, 'durch got.
        ez stât ûf iuwer gebot
        beide guot unde lîp.
        jâ gesprichet lîhte ein wîp
7675 des sî niht sprechen solde.
        swer daz rechen wolde
        daz wir wîp gesprechen,
        der müese vil gerechen.
        wir wîp bedurfen alle tage
7680 daz man uns tumbe rede vertrage;
[ zurück ]