Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4828 iu ist der lîp unverseit:
        wâ ist der dâ komen sol?
        mîn tweln enkumt mir niht wol:
        ich sûme mich vil sêre.
        ez gât an alle mîn êre
4833 swaz ich nû hie gebîte:
        ez ist zît daz ich rîte.'
         Diu drô tete in wê,
        und wurden trûrec als ê.
        vil müelîch was in ein dinc:
4838 sîne westen welch gerinc
        in aller beste êrte,
        der im den muot bekêrte.
        wan der wirt bôt im sîn guot:
        er sprach 'sône stât niht mîn muot
4843 daz ich ûf guotes miete
        den lîp iht veile biete,'
        und wider saget imz dô gar.
        des wurden harte riuwevar
        der wirt und daz gesinde,
4848 diu vrouwe mit ir kinde.
[ zurück ]