Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

391 diu lachet unde neic mir.
      seht, dô muose ich von ir.
      daz gesinde daz bevalch ich gote:
      ze mînes wirtes gebote
      dâ bôt ich mich vil dicke zuo.
396 dan schiet ich unde reit vil vruo
      ze walde von gevilde.
      dâ râmet ich der wilde
      und vant nâch mitten morgen
      in dem walde verborgen
401 ein breitez geriute
      âne die liute.
      da gesach ich mir vil leide
      ein swære ougenweide,
      aller der tiere hande
406 die man mir ie genande,
      vehten unde ringen
      mit eislîchen dingen.
      dâ vâhten mit grimme
      mit griulîcher stimme
411 wisente und ûrrinder.
[ zurück ]