Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5881 von allem mînem sinne.
        dem bin ich gâhes worden holt.
        hæte ich umbe den versolt
        daz im geviele mîn lîp,
        dem wolde ich sîn ein stætez wîp.
5886 vil lieber Tôt, nû meine ich dich.
        von dîner liebe kumt daz ich
        alsô verkêre den site
        daz ich wîp mannes bite.
        nâch dîner minne ist mir sô nôt.
5891 nû geruoche mîn, vil reiner Tôt.
        ouwê wie wol ich arme
        gezim an dînem arme!
        dû bist vil wol ze mir gehît.
        wan nimestû mich enzît?
5896 sît daz dû mich doch nemen muost,
        sô râte ich daz dûz iezuo tuost.
        ich gezim dir wol ze wîbe:
        ich hânz noch an dem lîbe,
        beide schœne unde jugent,
5901 ich bin an der besten tugent.
[ zurück ]