Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

255 wis den wîsen gerne bî,
      vliuch den tumben swâ er sî.
      vor allen dingen minne got,
      rihte wol durch sîn gebot.
      ich bevilhe dir die sêle mîn
260 und diz schœne kint, die swester dîn,
      daz dû dich wol an ir bewarst
      und ir bruoderlichen mite varst:
      sô geschiht iu beiden wol.
      got dem ich erbarmen sol
265 der geruoche iuwer beider phlegen.'
      hie mite was ouch im gelegen
      diu sprâche und des herzen kraft
      und schiet sich diu geselleschaft,
      beidiu sêle unde lîp.
270 hie weinden man unde wîp.
      ein selhe bivilde er nam,
      sô ez landes herren wol gezam.
       Nû daz disiu rîchiu kint
      sus beidenthalp verweiset sint,
275 der juncherre sich underwant
[ zurück ]