Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

977 daz im von wirte selch gemach
      eines nahtes nie geschach.
      des morgens schiet er von dan
      und vant den griulîchen man
      ûf einem gevilde
982 stân bî sînem wilde
      und vor sînem aneblicke
      segent er sich vil dicke,
      daz got sô ungehiure
      deheine crêatiure
987 geschepfen ie geruohte.
      der bewîst in des er suohte.
       Vil schiere sach her Îwein
      den boum, den brunnen, den stein,
      und gehôrte ouch den vogelsanc.
992 dô was sîn twelen unlanc
      unz daz er ûf den stein gôz.
      dô kam ein siusen unde ein dôz
      und ein selch weter dar nâch
      daz in des dûhte daz im ze gâch
997 mit dem giezen wær gewesen:
[ zurück ]