Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1279 daz man in niht mähte
        geprîsen von geslähte,
        und jâhen des ze stæte,
        ob erz an gebürte hæte
        sô wære wol ein rîche lant
1284 ze sîner vrümikeit bewant.
         Nû geviel ez eines tages sus
        daz der knappe Grêgôrius
        mit sînen spilgenôzen kam
        dâ si spilnes gezam.
1289 nu gevuocte ein wunderlich geschiht
        (ez enkam von sînem willen niht):
        er tet (daz geschach im nie mê)
        des vischæres kinde alsô wê
        daz ez weinen began.
1294 sus lief ez schrîende dan.
        als daz diu muoter vernam
        daz ez sus weinende kam,
        ir kinde si engegen lief.
        in grôzen unsiten si rief:
1299 'sich, wie weinestû sus?'
[ zurück ]