einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2819 sîn milte dûhte si sô grôz,diu gemâzete in niemen ander wan dem milten Alexander. sîn schilt was zebrochen, mit spern sô zestochen, 2824 man hete viuste dâ durch geschoben. sus verdiente Êrec sîn loben. dô daz mære ûz kam und vrouwe Ênîte vernam sô grôze tugent zellen 2829 von Êrecke ir gesellen, dô was ir sîn manheit beide liep unde leit. daz ir liebes dran geschach, daz was daz man im wol sprach. 2834 daz si leides dran gewan, daz was, si weste wol ir man in sô getânem muote, im enwolde got mit huote genædeclîchen bî gestân, 2839 sô vorhte si in unlange hân, |