Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4507 Dô der gast sîn ungemach
        beidiu gehôrte unde gesach,
        daz begund im an sîn herze gân.
        er sprach 'wie habt ir daz verlân
        irn suochtet helfe unde rât
4512 dâ er iu ze suochen stât,
        in des künec Artûses lande?
        ir habet dise schande
        âne nôt sô lange erliten.
        ir soldet dar sîn geriten:
4517 er hât gesellen, under den
        ir hetet vunden etewen
        der iuch des risen belôste.'
        er sprach 'der mir ze trôste
        dâ wære der beste
4522 und kæme, oberz weste,
        und hete ich in dâ vunden,
        dern ist ze disen stunden
        niht dâ ze lande.
        der künec treit ouch die schande
4527 der er vil gerne enbære.
[ zurück ]