einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4698 dâ mite wart ouch ergesetzet ûf daz gras als lanc sô daz sper was. Segremors erreit in dô: dem geschach rehte alsô.4703 dar nâch erreit in Hênete, dem er alsam tete. Plîopleherîn und Millemargot die wurden beide ir selber spot mit selhem ungevelle,4708 und Îdêrs ir geselle. daz ich sî alle nenne die ich dâ erkenne, daz ist alsô guot vermiten: wan alle die im nâch riten4713 die streuter nâch ein ander. nieman envander der die vrouwen lôste. ir wære komen ze trôste mîn herre Gâwein,4718 der ie in rîters êren schein: |