Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7004 sî mohten von rîterschaft
        schuole gehabet hân.
        zewâre man muose in lân
        von rîterschefte den strît,
        swaz rîter lebete bî der zît.
7009 nune sûmden sîz niht mêre:
        diu ors wurden sêre
        mit den sporn genomen.
        man sach sî dort zesamne komen
        und vîentlîchen gebâren,
7014 die doch gesellen wâren.
         Ez dunket die andern unde mich
        vil lîhte unmügelich
        daz iemer minne unde haz
        alsô besitzen ein vaz
7019 daz minne bî hazze
        belîbe in einem vazze.
        ob minne unde haz
        nie mê besâzen ein vaz,
        doch wonte in disem vazze
7024 minne bî hazze
[ zurück ]