einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius364 und si an sînen arm genam.ouwî waz wolde er drunder? jâ læge er baz besunder. ez wâren von in beiden diu kleider gescheiden369 unz an daz declachen. dô si begunde wachen, dô hete er si umbevangen. ir munt und ir wangen vant si sô gelîmet ligen374 als dâ der tiuvel wil gesigen. Nû begunde er si triuten mê danne vor den liuten dâ vor wære sîn site. hie verstuont si sich mite379 daz ez ein ernest solde sîn. si sprach: 'wie nû, bruoder mîn? wes wiltû beginnen? lâ dich von dînen sinnen den tiuvel niht bringen.384 waz diutet diz ringen?' |