Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6955 mit dem andern an dem tage,
        daz ich ez gote tiure clage
        daz die besten gesellen
        ein ander kempfen wellen
        die iender lebeten bî der zît.
6960 sweder nû tôt gelît
        von des anderen hant,
        und im dâ nâch wirt erkant
        wen er hât erslagen,
        daz wirt sîn êwigez clagen.
6965 möhten sî nû beide gesigen
        od beide sigelôs geligen
        ode abe unverwâzen
        den strît beide lâzen,
        so si sich erkennent beide,
6970 daz wær in vür die leide
        daz liebest und daz beste.
        jane wâren sî niht geste
        des willen, sam der ougen.
        ir ietwederm was tougen
6975 daz in kempfen solde ein man
[ zurück ]