Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

360 hie mite sô übergulterz gar,
      daz er mich ir nie verstiez
      und mich sô güetlichen liez
      mit der juncvrouwen ezzen.
      ouch enwart dâ niht vergezzen
365 wirn heten alles des die kraft
      daz man dâ heizet wirtschaft.
      man gap uns spîse, diu was guot,
      dâ zuo den willigen muot.
       Dô wir mit vreuden gâzen
370 und dâ nâch gesâzen,
      und ich im hâte geseit
      daz ich nâch âventiure reit,
      des wundert in vil sêre,
      und jach daz im nie mêre
375 dehein der gast wære komen
      von dem er hæte vernomen
      daz er âventiure suochte,
      und bat daz ich des geruochte,
      swenn ich den wec dâ wider rite,
380 daz ich in danne niht vermite.
[ zurück ]