Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1496 daz sî mir ie baz und baz
        von schulden wil gevallen;
        wan sô zieret sî ûz in allen
        ir tugenthafter muot,
        als den karfunkel tuot
1501 sîn schîn, als ich hœre jehen;
        selbe enhân ichs niht gesehen.
        Mir sagent manige daz er
        des vinstern nahtes lieht ber
        und daz er alters eine
1506 lesche ander gesteine
        swâ er bî in lît.
        daz lop lâzen âne nît
        alle frouwen die nû leben.
        ich wil ir des den prîs geben,
1511 mich dunkets in mînem sinne als guot.
        ich enweiz wie sî ander liute tuot;
        sprichet aber ieman „wie der tobet,
        daz er sî über mâze lobet,“
        der selbe ist âne rehten sin,
1516 ob ich niht gar ein tôre bin.
[ zurück ]