Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

288 si wâren selten eine,
      si wonden zallen zîten
      einander besîten
      (daz gezam vil wol in beiden),
      si wâren ungescheiden
293 ze tische und ouch anderswâ.
      ir bette stuonden alsô nâ
      daz si sich mohten undersehen.
      man enmac im anders niht gejehen,
      er enphlæge ir alsô wol
298 als ein getriuwer bruoder sol
      sîner lieben swester.
      noch was diu liebe vester
      die si im dâ wider truoc.
      wünne heten si genuoc.
303 Dô dise wünne und den gemach
      der werlde vîent ersach,
      der durch hôchvart und durch nît
      versigelt in der helle lît,
      ir beider êren in verdrôz
308 (wan si dûhte in alze grôz)
[ zurück ]