Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5205 sî sprâchen 'got herre,
        wir biten dich vil verre
        daz dû uns rechest an deme
        der uns unser gespilen neme.
        wir heten ir vrume und êre:
5210 nune habe wir nieman mêre
        der dâ ze kemenâten
        umb uns getürre râten
        daz uns mîn vrouwe iht guotes tuo,
        als beide spâte unde vruo
5215 diu vil getriuwe Lûnete
        unser liebiu gespile tete.'
         Diz machet im sînen muot
        ze vehten starc unde guot,
        und reit dar dâ er sî sach.
5220 er hiez sî ûf stân unde sprach
        'vrouwe, zeiget mir die
        die iuch dâ kumbernt, sint sî hie:
        und heizet iuch drâte ledec lân,
        ode sî müezen von mir hân
5225 den strît den ich geleisten mac.'
[ zurück ]