einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1931 und lie in si wol beschouwen.der truhsæze sprach zer vrouwen: 'vrouwe, grüezet disen man, wande er iu wol gedienen kan.' vür einen gast enphie si ir kint:1936 ouch was sîn herze dar an blint und im unkunt genuoc daz in diu selbe vrouwe truoc. Nû sach si in vlîzeclichen an und mê dan si deheinen man1941 vordes ie getæte: daz kam von sîner wæte. dô si die rehte besach, wider sich selben si des jach, daz daz sîdîn gewant1946 daz si mit ir selber hant zuo ir kinde hete geleit unde disses gastes kleit gelîche wæren begarwe der güete und der varwe:1951 ez wære benamen daz selbe gewant, |