Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

8099 daz im sîn rede ze heile sluoc,
        und der kumber den er truoc,
        daz der ein ende solde hân
        'vrouwe, ich hân missetân:
        zewâre daz riuwet mich.
8104 ouch ist daz gewonlich
        daz man dem sündigen man,
        swie swære schulde er ie gewan,
        nâch riuwen sünde vergebe,
        und daz er in der buoze lebe
8109 daz erz niemer mê getuo.
        nune hœret anders niht dâ zuo:
        wan kum ich nû ze hulden,
        sine wirt von mînen schulden
        niemer mêre verlorn.'
8114 sî sprach 'ich hân es gesworn:
        ez wære mir liep ode leit,
        daz ich mîner gewarheit
        iht wider komen kunde.'
        er sprach 'diz ist diu stunde
8119 die ich wol iemer heizen mac

[ zurück ]