Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3001 als si den itewîz vernam,
        des wart vil riuwic ir muot,
        wan si was biderbe unde guot,
        und gedâhte manegen enden
        wie si möhte erwenden
3006 alsô gemeinen haz.
        ouch geruochte si erkennen daz
        daz ez ir schult wære.
        si begunde dise swære
        harte wîplîchen tragen.
3011 Êrecke getorste siz niht klagen:
        si vorhte in dâ verliesen mite.
        nû kam ez alsô nâch ir site
        daz er umbe einen mitten tac
        an ir arme gelac.
3016 nû gezam des wol der sunnen schîn
        daz er ir dienest muoste sîn:
        wan er den gelieben zwein
        durch ein vensterglas schein
        und hete die kemenâten
3021 liehtes wol berâten,
[ zurück ]