Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4878 daz ich an dem verliuse,
        ich enmöht ir beider gepflegen,
        ode beidiu lâzen under wegen,
        ode doch daz eine:
        sô wær mîn angest cleine.
4883 sus enweiz ich mîn deheinen rât.
        ich bin, als ez mir nû stât,
        gunêret ob ich rîte
        und geschendet ob ich bîte.
        nune mag ichs beidiu niht bestân
4888 und getar doch ir dewederz lân.
        nû gebe mir got guoten rât,
        der mich unz her geleitet hât,
        daz ich mich beidenthalp bewar
        sô daz ich rehte gevar.
4893 ichn wil benamen die niht lân
        der ich mich ê geheizen hân
        und diu ir angest und ir leit
        niuwan von mînen schulden treit:
        wan liez ich die danne,
4898 wie zæme daz guotem manne?
[ zurück ]