Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7621 und geloubet mir daz ich iu sage:
        het erz gehabet an dem tage,
        mich hete brâht in arbeit
        mîn unreht und sîn vrümekheit.
         Diu juncvrouwe hât rehtes niht
7626 vür die man mich hie vehten siht:
        ir swester ist mit rehte hie.
        sô half ouch got dem rehten ie:
        des wær ich tôt von sîner hant,
        het ez diu naht niht erwant.
7631 sît mir geviel daz unheil,
        sô ist mir lieber ein teil
        nâch grôzem ungevelle
        daz mich mîn geselle
        habe überwunden danne erslagen.'
7636 die rede begunde her Îwein clagen
        und wart von leide schamerôt,
        daz er im der êren bôt
        ein lützel mêre danne gnuoc.
        daz êren er im niht vertruoc:
7641 wan redte er wol, sô redte er baz.
[ zurück ]