einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec17 als ein guot kneht sol.Êrec der junge man sîn vrouwen vrâgen began ob erz ervarn solde. diu vrouwe des niht wolde: 22 si bat in dâ bî ir tweln. ein juncvrouwen begunde si ûz weln die si möhte senden dar. si sprach: "rît und ervar wer der ritter müge sîn 27 und sîn geverte, daz magedîn." diu juncvrouwe huop sich an die vart, als ir geboten wart, dâ siz getwerc rîten sach. mit zühten si zuo im sprach: 32 "got grüeze iuch, geselle, und vernemet waz ich welle. mîn vrouwe hât mich her gesant, diu ist künegîn überz lant: durch ir zuht gebôt si mir 37 daz ich iuch gruozte von ir, |