einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4665 unde was der êrste an in:ouch geriet der êrste ungewin ze sînen unêren, als er den gast bat kêren. daz was in einem walde.4670 ouch kêrter alsô balde: mit grôzen kreften stach er in enbor ûz dem satel hin, daz im ein ast den helm gevienc und bî der gurgeln gehienc.4675 und wan daz in sîn geverte der übele tiuvel nerte, sô wær er dâ benamen tôt: doch leit er hangende nôt. er wart doch leider ledec sît:4680 doch hienc er dâ unz an die zît daz er vor in allen leit laster unde arbeit. der næhste was Kâlogrenant der in dâ hangende vant4685 niht anders wan als einen diep: |