Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2117 'er wolde wærez nû geschehen.'
        'sage, wenne mag ich in gesehen?'
        'vrouwe, in disen vier tagen.'
        'ouwê, durch got waz wil dû sagen?
        dû machest mir den tac ze lanc.
2122 nim daz in dînen gedanc
        daz ichn noch od morgen sehe.'
        'wie welt ir, vrouwe, daz daz geschehe?
        ich entrœst iuch nihtes dar an:
        sô snel ist dehein man
2127 noch niht âne gevidere
        daz hin und her widere
        möhte komen in sô kurzer vrist.
        ir wizzet wol wie verre dar ist.'
        'sô volge mînem râte.
2132 mîn garzûn loufet drâte:
        im endet ie ze vuoz ein tac
        daz einer in zwein gerîten mac.
        ouch hilfet im der mânschîn:
        er lâze die naht einen tac sîn.
2137 ouch sint die tage unmâzen lanc.
[ zurück ]