Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Erec

7594 diu vier elementâ
        stuonden schînlîchen dâ
        in ir sundervarwe,
        und in iegelîchem garwe
        swaz dem undertænic ist:
7599 diz meisterte ouch starker list.
        diu erde von den vieren
        stuont mit ir tieren,
        swaz eht der dehein man
        in sînem muote erkennen kan
7604 an walde oder an gevilde,
        zam oder wilde:
        dâ stuonden tier in iegelîcher schaft,
        geworht von selher meisterschaft
        sam si wolden sprechen
7609 und bildes reht brechen.
        dâ bî daz mer swebete:
        dar inne sam er lebete
        der visch, bî dem besunder
        elliu merwunder
7614 und swaz dâ bûwet des meres grunt.

[ zurück ]