Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3220 solden si iemer vinden in,
        daz man in danne müeste
        suochen in der wüeste.
        sus begunden si gâhen,
        dâ si daz gebirge sâhen,
3225 in die wilde zuo dem sê.
        der zwîvel tet in harte wê
        daz si niht wizzen kunden
        wâ si in vunden.
         Dô wîste si diu wilde
3230 ze walde von gevilde.
        sus vuor diu wegelôse diet,
        als in ir gemüete riet,
        irre unz an den dritten tac.
        einen stîc âne huofslac
3235 den ergriffen si dô:
        des wurden si vil vrô.
        der grasige wec ungebert
        der truoc si verre in einen wert,
        dâ der vischære bî dem sê
3240 saz, dâ von ich iu sagete ê,
[ zurück ]