einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein266 ûf einen stîc den ich dâ vant.der wart vil rûch und enge: durch dorne und durch gedrenge sô vuor ich allen den tac, daz ich vür wâr wol sprechen mac271 daz ich sô grôze arbeit nie von ungeverte erleit. und dô ez an den âbent gienc, einen stîc ich dô gevienc: der truoc mich ûz der wilde,276 und kam an ein gevilde. dem volget ich eine wîle, niht vol eine mîle, unz ich eine burc ersach: dar kêrt ich durch mîn gemach.281 ich reit gegen dem bürgetor: dâ stuont ein rîter vor. er hete, den ich dâ stânde vant, einen mûzerhabech ûf der hant: diz was des hûses herre.286 und als er mich von verre |