Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1300 'dâ sluoc mich Grêgôrius.'
        'war umbe hât er dich geslagen?'
        'muoter, ich kan dirs niht gesagen.'
        'sich her, tæte dû im iht?'
        'muoter, weizgot nein ich niht.'
1305 'wâ ist er nû?' 'bî jenem sê.'
        'wê mir armer, wê!
        er tumber gouch vil betrogen!
        hân ich daz an im erzogen
        daz er mir bliuwet mîniu kint,
1310 sô wol gevriunt sô si hie sint?
        dînen vriunden zimet daz niht wol
        daz ich diz laster dulden sol
        von einem sô gewanten man
        der nie mâge hie gewan.
1315 daz dich tar gebliuwen der
        der sich hât verrunnen her,
        daz ist mir iemer ein leit.
        wan daz man imz durch got vertreit,
        man dulte ez unlange vrist.
1320 jâ enweiz nieman wer er ist.
[ zurück ]